No ano 1984, Londres é unha cidade sombría na que a Policía do Pensamento controla a vida dos cidadáns dun xeito asfixiante. Winston Smith é un peón desta máquina perversa e a súa tarefa é reescribir a historia para adaptala ao que o Partido considera a versión oficial dos feitos. Ata que deciden repensar a verdade do sistema que os goberna e os somete.
Imaxinas unha sociedade na que o goberno che impoña como vestir, que nova lingua falar, como actuar, como pensar? En 1984 esa sociedade existe, chámase Oceanía e comparte o dominio da Terra con outras dúas superpotencias coas que adoita estar en guerra alternativamente: Eurasia e Oriasia.